Mae dyn 47 oed wedi cael ei garcharu am ymosod ar heddwas ym Mangor.

Fe ymddangosodd Michael Doano yn Llys yr Ynadon Llandudno ddydd Gwener.

Roedd yn wynebu un cyhuddiad o ymosod ar heddwas.

Ar 15 Ionawr roedd swyddogion wedi cael eu galw i'r orsaf bysys ym Mangor wedi adroddiadau o ymrafael.

Cafodd Doano ei arestio a'i gludo i'r ddalfa gan swyddogion.

Clywodd y llys ei fod wedi troi'n ymosodol a chicio heddwas yn ei frest.

Plediodd y dyn 47 oed yn euog i'r cyhuddiad ac fe gafodd ei garcharu am 16 wythnos.

Dywedodd yr Arolygydd Ardal Jamie Owens: "Mae trais yn erbyn gweithwyr brys yn gwbl annerbyniol, ac ni fyddwn byth yn ei oddef yma yng Ngwynedd.

“Mae ein swyddogion yn dod i’r gwaith bob dydd i gadw’r cyhoedd yn ddiogel, ac maen nhw’n haeddu gwneud y swydd honno heb ofni cael eu hymosod ar.

“Byddwn yn parhau i gymryd camau cadarn yn erbyn unrhyw un sy’n bygwth diogelwch ein swyddogion neu’r gymuned ehangach.”