Mae treisiwr o Rydaman wedi cael ei garcharu am 12 mlynedd ar ddiwedd achos yn Llys y Goron Abertawe.

Fe wnaeth Lloyd Davies, 29, o Gaecoed, Llandybie, dreisio a cham-drin dau o blant, gyda'r ieuengaf yn ddim ond chwe blwydd oed ar adeg y troseddau.

Cafwyd Davies yn euog o dri chyhuddiad o dreisio plentyn dan 13 oed, dau gyhuddiad o achosi neu gymell plentyn o dan 13 oed i gymryd rhan mewn gweithgaredd rhywiol, ymosodiad rhywiol ar blentyn o dan 13 oed a gwneud delwedd anweddus categori A o blentyn.

Dywedodd y Ditectif Ringyll Carl Pocock o Heddlu Dyfed-Powys: “Hoffwn estyn fy niolch a’m diolch o galon i’r ddau ddioddefwr yn yr achos hwn, sydd wedi bod yn hynod ddewr wrth ddod ymlaen at yr heddlu ac adrodd am y trawma a ddioddefwyd ganddynt fel plant ifanc.

“Diolch i’w dewrder nhw y bydd Lloyd Davies nawr yn treulio cyfnod sylweddol yn y carchar, gan wneud ein cymunedau’n lle mwy diogel. Rwy’n gobeithio y bydd y ddedfryd heddiw yn rhoi rhyw ymdeimlad o gau a gallant nawr geisio symud ymlaen â’u bywydau.

“Mae’r achos hwn yn bwysig i’n hatgoffa y gellir parhau i wasanaethu cyfiawnder flynyddoedd ar ôl unrhyw gamdriniaeth. Rwy’n gobeithio bod y canlyniad hwn yn dangos nad yw byth yn rhy hwyr i godi llais.”