Mae dyn a dynes wedi cael eu harestio yn dilyn marwolaeth "anesboniadwy" baban ym mhentref Clunderwen, Sir Benfro.

Cafodd swyddogion alwad gan Ymddiriedolaeth Gwasanaeth Ambiwlans Cymru ynghylch lles bachgen pedwar mis oed mewn cyfeiriad yn y pentref am tua 13.45 ddydd Gwener.

Dywedodd y llu fod y plentyn wedi marw yn y fan a'r lle, ac mae swyddogion wedi anfon eu cydymdeimladau at y teulu.

Mae dynes 19 oed a dyn 23 oed bellach wedi’u harestio ar amheuaeth o esgeuluso plentyn, meddai'r llu.

Mae ymchwiliadau'r heddlu yn parhau.