Dywedodd Cyngor Wrecsam fod saith o danau wedi'u hachosi gan fêps a'r batris lithiwm-ion sydd y tu mewn iddyn nhw ar y safle ar Lôn y Bryn ar Ystâd Ddiwydiannol Wrecsam yn ystod y pythefnos diwethaf.

Mae'r cwmni sy’n rheoli’r cyfleuster, FCC Environment, wedi rhoi systemau diogelwch tân newydd mewn lle yn dilyn cynnydd mewn costau yswiriant.

Mae trigolion nawr yn cael eu cynghori i gael gwared ar fêps a batris yn ddiogel trwy fynd â nhw i un o dair canolfan ailgylchu gwastraff cartref Wrecsam neu archfarchnad gyfagos.