Mae teyrngedau wedi eu rhoi i fachgen ysgol “poblogaidd a hoffus” a fu farw “yn sydyn” dros y penwythnos. 

Roedd Marc Aguilar yn ddisgybl blwyddyn 8 yn Ysgol Gyfun Gymraeg Bro Edern yng Nghaerdydd. 

Mae tîm o gwnselwyr yn cefnogi disgyblion a staff yn yr ysgol ddydd Llun.

Inline Tweet: https://twitter.com/BroEdern/status/1835379009917481077

Mewn teyrnged iddo ar y cyfryngau cymdeithasol, dywedodd Ysgol Bro Edern: “Gyda thristwch mawr y cyhoeddwn y bu farw un o’n disgyblion yn sydyn dros y penwythnos. 

“Roedd Marc Aguilar o 8 Rhymni 2 yn ddisgybl poblogaidd a hoffus a oedd yn serennu ym myd y campau. 

“Roedd ganddo lawer o ffrindiau ym Mro Edern a bydd colled fawr ar ei ôl.” 

Mae nifer o bobl hefyd wedi gadael negeseuon o gydymdeimlad i’r teulu ar y cyfryngau cymdeithasol.