Mae’r seren Hollywood Carl Weathers, a wnaeth chwarae rôl Apollo Creed yng nghyfres o ffilmiau byd-enwog Rocky, wedi marw yn 76 oed.

Bu farw yn “heddychlon” yn ei gwsg yn ei gartref yn Los Angeles nos Iau, mae ei deulu wedi cadarnhau.

Mewn datganiad, dywedodd: “Rydym yn drist iawn i gyhoeddi’r newyddion am farwolaeth Carl Weathers.

“Mi oedd Carl yn unigolyn anhygoel a wnaeth byw bywyd i’r eithaf.

“Trwy ei gyfraniad i ffilm, teledu, y celfyddydau a chwaraeon, mae wedi gadael marc gweladwy ac mae’n cael ei gydnabod yn rhyngwladol ac ar draws cenedlaethau. 

“Roedd yn frawd, tad, tad-cu, partner a ffrind roedd pawb yn ei garu.”

Roedd yr actor hefyd wedi serennu yn y ffilmiau Predator a Happy Gilmore.