Canolfan fusnes Y Wern yn y Ty-du ger Casnewydd yn wenfflam neithiwr.

Y Gwasanaeth Tan yn gwneud eu gorau i ddiffodd y fflamau.

Bu'n rhaid i gwsmeriaid bragdy Tiny Rebel gerllaw, adael y safle.

Pan oedd y tan ar ei anterth neithiwr roedd 75 o ddiffoddwyr yma.

Mae nifer wedi bod yma dros nos. Byddan nhw dal yma gydol y dydd yn ymchwilio i achos y tan.

Fe gafodd Meithrinfa Wibli Wobli ac adeilad Tots Play islaw eu dinistrio yn llwyr.

Cwta flwyddyn sydd ers i Feithrinfa Wibli Wobli agor eu drysau.

Y feithrinfa annibynnol Gymraeg gyntaf yng Nghasnewydd.

Eisoes, mae 60 o blant ganddyn nhw ar y llyfrau.

Dw i'n teimlo'n devastated a'r staff i gyd hefyd.

Ni'n poeni am y gwaith, y staff, y gwasanaethau i blant i rieni a'r dyfodol i ni.

Ni wedi gweithio mor galed ar y feithrinfa, i sefydlu'r peth a nawr, mae popeth yn gone so mae'n devastating.

Rhoi gwybod i rieni a cheisio gwneud trefniadau dros dro oedd y flaenoriaeth heddiw yng nghanol y sioc a'r siom.

Ffaelu credu taw meithrin ni yw hwnna. Jyst edrych arno fe nawr - jyst gytud. Ie, devastated.

Mae lot o waith wedi mynd mewn i sefydlu'r feithrinfa yma hefyd.

Chi wedi bod yn rhan o'r gwaith yna.

Ydyn, ni newydd gael llawr newydd sbon wythnos diwethaf.

Ni jyst 'di rhoi gymaint o waith i mewn a dal yn gwneud hynny.

I troi lan heddiw a gweld yr adeilad fel hwnna, mae e jyst...! Jyst yn meddwl am bethau'r plant sydd tu mewn.

Roedd llwyth o bobl yn dod. Rhestr aros gyda ni.

O'n ni'n gwneud clwb yn ystod gwyliau'r ysgol. Roedd llwyth o bobl yn dod i hwnna. Ni'n jyst methu credu fe.

Mae tudalen GoFundMe eisoes wedi codi dros £4,000.

Bydd gefnogaeth i'w helpu i ail-agor medd cefnogwyr addysg Gymraeg lleol.

Dw i'n hyderus yn Natasha a'r tîm nad yw hwn yn mynd i stopio nhw.

Ni'n gwybod bod y gymuned tu ôl iddyn nhw hefyd yn sicrhau y bydd Wibli Wobli yn canfod cartre newydd yn fuan ar gyfer y teuluoedd a'r plant sydd bore 'ma heb ofal dydd.

Gobeithio bydd hynny'n newid yn y diwrnodau a'r wythnosau i ddod.

Chafodd neb ei anafu yn y tan.

Mae'r ymchwiliad i'r hyn ddigwyddodd yn parhau.

Mae'r dinistr wedi gadael ei hoel ar y stad fach brysur hon.