Mae Nigel Farage wedi dweud ei fod yn "arwr" i rai pobl ac yn "ddihiryn" i eraill, wrth iddo ymddangos yn y gyfres newydd o I'm a Celebrity... Get Me Out Of Here.

"Yn y jyngl rydych chi'n mynd i ddod o hyd i'r fi go iawn," meddai cyn arweinydd pleidiau Ukip a Brexit. 

Mr Farage yw’r ffigwr gwleidyddol dadleuol diweddaraf i serennu ar raglen ITV, gan ddilyn yn ôl traed y cyn ysgrifennydd iechyd, Matt Hancock, y llynedd.

Mae Farage wedi derbyn ffi o £1.5m am gymryd rhan yn y sioe.

Mae hynny’n llawer mwy na’r £320,000 a dalwyd i Hancock y llynedd.

Y llynedd, pleidleisiodd y cyhoedd i Hancock gymryd rhan yn y mwyafrif o heriau y ‘bushtucker trails’. 

Ac mae Farage eisoes wedi'i ddewis gan y cyhoedd i gymryd rhan yn y treial nesaf ar ôl ei ymddangosiad cyntaf ar y sioe - ochr yn ochr â'r seren cyfryngau cymdeithasol Nella Rose mewn gêm o'r enw "Jungle Pizzeria".

Inline Tweet: https://twitter.com/imacelebrity/status/1726371796054835218

Ymhlith yr 'enwogion' eraill sydd yn cymryd rhan eleni mae chwaer Britney Spears, Jamie Lynn Spears, y maître d' o’r gyfres First Dates, Fred Sirieix, a’r canwr Marvin Humes o’r band JLS.

Gwyliodd saith miliwn o wylwyr y bennod gyntaf ddydd Sul yn ôl ffigyrau dros nos.

Mae hynny ychydig dros ddwy filiwn yn llai nag a wyliodd y bennod gyntaf y llynedd, a ddenodd 9.1m o wylwyr.