Mae'r seren bêl-droed Lionel Messi wedi ennill tlws y Ballon d'Or 2023 mewn noson wobrwyo ym Mharis.

Enillodd Messi y tlws wedi iddo arwain Yr Ariannin i ennill Cwpan y Byd y dynion am y tro cyntaf ers 1986.

Fe enillodd y wobr am y chwaraewr gorau yn y bencampwriaeth honno hefyd.

Dyma'r wythfed tro iddo ennill y Balon d'Or, sydd yn record.  

Sgoriodd 38 o goliau i'w glwb PSG yn nhymor 2022/23 cyn symud i Inter Miami yn yr Unol Daleithiau.

"Mae'n braf bod yma unwaith eto i fwynhau'r foment hon," meddai Messi. 

"I allu ennill Cwpan y Byd a gwireddu fy mreuddwyd, mae'n foment wych.

"Mae pob un Ballon d'Or dwi wedi ennill yn sbesial."

Aitana Bonmati oedd enillydd y Ballon d'Or Féminin.

Roedd hi'n aelod o garfan Sbaen wnaeth ennill Cwpan y Byd y merched eleni

Enillodd y Primera División, Cynghrair y Pencampwyr Merched a Supercopa de España Femenina gyda'i chlwb Barcelona y tymor diwethaf.

Enillodd hi y wobr am y chwaraewr gorau yng Nghwpan y Byd Merched eleni yn ogystal.

Image

“Rwy’n falch iawn o ennill y Ballon d’Or,” meddai. 

"Mae pêl-droed yn gamp sydd yn cael eu chwarae fel tîm felly hoffwn ymestyn y wobr hon i fy nghyd-chwaraewyr a staff.

"Yn olaf, llongyfarchiadau i bawb sydd wedi cael eu henwebu. Maen nhw'n bêl-droedwyr gwych."

Dyma enillwyr y chwe thlws arall ar y noson:

Tlws Yashin (Gôl-geidwad gorau)- Emiliano Martinez

Tlws Kopa (Chwaraewr Ifanc gorau)- Jude Bellingham

Tlws Socrates (Gwaith Dyngarol gorau)- Vinicius Jr

Tlws Gerd Muller (Prif Sgoriwr)- Erling Haaland

Clwb Merched y flwyddyn- Merched Barcelona

Clwb Dynion y flwyddyn- Manchester City