Mae Elfyn Evans wedi gorffen yn yr ail safle ar Rali Estonia.

Fe gafodd y Cymro ddechrau da i’r rali ar ôl iddo ennill pedwar cymal yn olynol ddydd Gwener.

Ond wrth i law trwm achosi llanast ddydd Sadwrn fe gwympodd i’r ail safle, tu ôl i Kalle Rovanperä o’r Ffindir sy’n arwain y bencampwriaeth.

Dywedodd Evans ei fod yn hapus gyda’r penwythnos.  Dywedodd: “Roedd yn gyflym o’r dechrau ac roedden yn gryf ddydd Gwener.  Ond yn y pendraw, jyst ddim digon i ymladd yn erbyn Kalle Rovanperä ac ar ôl prynhawn dydd Sadwrn, mater o sicrhau ein safle a phwyntiau am y bencampwriaeth."

Mae Evans, sydd yn gyrru i Toyota, yn dal yn y chweched safle yn y bencampwriaeth.

Llun: Twitter/Elfyn Evans

AIL I ELFYN YN ESTONIA 🏴󠁧󠁢󠁷󠁬󠁳󠁿🥈
A solid second & 4 points in the power stage for Elfyn & Scott 🙌

Llongyfarchiadau i @KalleRovanpera a @JonneHalttunen - ANHYGOEL! What a performance by Kalle & Jonne!#RallyEstonia #EE33 #WRC pic.twitter.com/fAdEj85wOO

— Ralïo+ (@RalioS4C) July 17, 2022