Newyddion S4C

Stormont

Gogledd Iwerddon: Galw ar bleidiau i rannu grym wedi buddugoliaeth Sinn Féin

Belfast Telegraph 08/05/2022

Mae arweinydd Sinn Féin Michelle O’Neill wedi galw ar bleidiau gwleidyddol yng Ngogledd Iwerddon i gydweithio er mwyn llywodraethu yn y dalaith.

Dywedodd y bydd ei phlaid yn Stormont fore Llun a “mae angen i bleidiau eraill wneud yr un peth."

Ychwanegodd: “Byddwn ni yn rhoi parch i bawb ac yn disgwyl parch hefyd.”

Daw hyn yn sgil buddugoliaeth hanesyddol Sinn Féin fel y blaid fwyaf yng nghynulliad Gogledd Iwerddon.

Mae Sinn Féin wedi ennill 27 o seddi gyda phlaid unoliaethol y DUP yn ennill 25.

Mae’r canlyniad yn golygu bydd arweinydd y cynulliad yn dod o rengoedd plaid weriniaethol am y tro cyntaf mewn dros ganrif.

Mae Taoiseach Iwerddon a llywodraeth yr UDA wedi galw ar y pleidiau i gydweithio i ffurfio llywodraeth.

Darllenwch fwy yma.

This website uses cookies to ensure you get the best experience on our website.