Newyddion S4C

Chwaraewr pêl-droed Wrecsam James McClean yn cael ei asesu ar ôl bod mewn damwain car

22/01/2025
James McClean

Mae chwaraewr pêl-droed Wrecsam James McClean yn cael ei asesu gan feddygon ar ôl bod mewn damwain car.

Fe wnaeth Clwb Pêl-droed Wrecsam gadarnhau bod chwaraewr yn rhan o "wrthdrawiad un car" fore Mercher.

Ychwanegodd fod y chwaraewr wedi cyrraedd y clwb ac yn cael ei asesu gan feddygon fel rhagofal.

Roedd McClean, sydd yn gapten y clwb yn gyrru ar ei ffordd i'r clwb ar gyfer sesiwn hyfforddi pan ddigwyddodd y gwrthdrawiad ar yr A534 ger Clwb Golff Wrecsam, meddai un llygad tyst.

Rhannodd un person llun o'i gar yn cael ei symud o'r ffordd ar X.

Dywedodd llefarydd ar ran Heddlu Gogledd Cymru eu bod nhw wedi cael eu galw i adroddiad o wrthdrawiad toc cyn 9.00

"Ychydig cyn 09.00 roeddem wedi derbyn adroddiad o wrthdrawiad un cerbyd ar yr A534 yn Wrecsam, ger Clwb Golff Wrecsam.

"Roedd swyddogion o Wasanaeth Tân ac Achub Gogledd Cymru yn bresennol, ac roedd y ffordd wedi ei flocio tan i'r cerbyd gael ei symud ychydig cyn 10.00.

"Nid oedd unrhyw anafiadau difrifol."

Mae Wrecsam yn chwarae yn erbyn Birmingham yn y Cae Ras nos Iau.

Birmingham sydd ar frig y gynghrair tra bod Wrecsam yn y drydydd safle.

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.