Mae rhybudd melyn am rew yn parhau mewn grym ar gyfer siroedd y gogledd fore dydd Iau.

Fe ddaeth y rhybudd i rym am 16:00 ddydd Mercher ac fe dydd yn parhau tan 10:00 y bore.

Daw hyn wedi dau ddiwrnod o eira ar draws nifer o siroedd yng ngogledd Cymru ac ar draws ucheldiroedd y de.

Dywedodd llefarydd ar ran y Swyddfa Dywydd y gallai rhew ar y ffyrdd, palmentydd a llwybrau seiclo arwain at anafiadau.

Maen nhw'n gofyn pobl i gymryd gofal wrth gerdded a theithio ar y ffyrdd.

Hefyd maen nhw'n dweud y dylai unrhyw un sydd yn cynllunio i deithio ar drafnidiaeth gyhoeddus wirio amserlenni cyn teithio gan y gallai rhai gwasanaethau cael eu gohirio.

Mae'n bosibl y bydd eira mewn ardaloedd ger y môr hefyd.

Mae'r rhybudd mewn grym ar gyfer y siroedd isod:

• Conwy
• Gwynedd
• Powys
• Sir Ddinbych
• Sir Y Fflint
• Wrecsam
• Ynys Môn

Llun: Lynwen Williams