Mae Heddlu Gogledd Cymru yn apelio am wybodaeth yn dilyn marwolaeth dyn mewn gwrthdrawiad ger Gwersyllt yn Sir Wrecsam ddydd Sadwrn.

Bu farw’r dyn oedd yn seiclo mewn gwrthdrawiad gyda char Fiat 500 gwyn ar ffordd yr A541, Ffordd Yr Wyddgrug ger cyffordd Hen Ffordd Yr Wyddgrug am tua 16:05 brynhawn dydd Sadwrn.

Roedd y ffordd wedi cau am rai oriau yn dilyn y gwrthdrawiad.

Mae'r llu yn gofyn i unrhyw un sydd â gwybodaeth i gysylltu â nhw gan nodi cyfeirnod A032132.