Mae dyn 18 oed wedi ei gyhuddo o achosi anafiadau difrifol i ddyn oedrannus drwy yrru'n beryglus yn Llanelli.

Mae Bradley Taylor hefyd wedi ei gyhuddo o fethu â stopio ar ôl damwain ffordd, methu ag adrodd am ddamwain a gyrru heb yswiriant.

Cafodd ei gyhuddo yn dilyn ymchwiliad wedi i yrrwr beic modur oddi-ar y ffordd daro dyn 94 oed yn Llanelli ar ddydd Gwener 6 Ionawr. 

Mae’r dyn yn parhau yn yr ysbyty. 

Cafodd Mr Taylor ei gadw yn y ddalfa a bydd yn ymddangos o flaen Llys Ynadon Abertawe ddydd Sadwrn.