Mae cyn-chwaraewr Cymru, Dean Saunders wedi dweud y dylai cerflun cael ei adeiladu o Gareth Bale.

Roedd Saunders yn siarad ar raglen radio TalkSport yn dilyn cyhoeddiad Gareth Bale ei fod yn ymddeol o chwarae pêl-droed.

Dywedodd Saunders: "Mae e wedi gwneud gymaint dros ein gwlad, dylai nhw adeiladu cerflun ohono.

"Mae pobl fel Tom Jones wedi rhoi ni ar y map, Shirley Bassey, Anthony Hopkins, mae e'n gymaint o legend a nhw.

"Ma' fe'n fwy na Rushy (Ian Rush), mae e 'di gwneud mwy dros Gymru nag unrhyw un.

"Dwi'n cynrychioli cyhoedd Cymru ar y radio nawr, a dwi'n meddwl bydd pawb yng Nghymru yn cytuno gyda fi. Mae e wedi ysbrydoli gymaint o bobl a rhoi ni ar y map."

'Enwch bob dim ar ei ôl'

Torrodd calonnau nifer o Gymry ar draws y genedl pan gyhoeddodd Bale ddydd Llun ei fod yn ymddeol o'r gamp, ac yntau wedi bod yn ganolog i lwyddiannau Cymru dros y blynyddoedd diwethaf.

Roedd sawl un yn cytuno gyda Saunders, ac eraill hyd yn oed wedi awgrymu ailenwi pontydd a llefydd ar ôl Gareth Bale.

Fe wnaeth cyfrif SoccerCymru ar Trydar awgrymu y dylai Pont Tywysog Cymru cael ei ailenwi ar ôl Bale, yn ogystal ag enwi Maes Awyr Caerdydd ar ei ôl.

Where’s the Gareth Bale statue going?

Name the Severn Bridge after him.

Name the airport after him.

Give him everything. pic.twitter.com/6jse3m8Wlv

— Soccer Cymru ⚽️ 🏴󠁧󠁢󠁷󠁬󠁳󠁿 (@soccercymru) January 9, 2023

Fe wnaeth un arall ddychmygu sut fyddai cerflun o Bale yn edrych pe bai'n tebyg i gerflun Colossuss of Rhodes, ond uwchben afon Taf.

Another day spent wondering how a giant Gareth Bale statue like the Colossus of Rhodes would look straddling the River Taff. pic.twitter.com/dQA2UI2qm2

— David Owens (@asoundreaction) November 12, 2021

Tybed a fydd y Senedd yn rhoi arian tuag at adeiladu cerflun? Dyna oedd awgrym un arall - yn ogystal ag adeiladu'r cerflun tu allan i orsaf trên Caerdydd Canolog.