Newyddion S4C

Glaw

Rhybudd melyn am law i rai o siroedd y de

NS4C 06/01/2023

Mae'r Swyddfa Dywydd wedi cyhoeddi rhybudd melyn am law i rannau o dde Cymru ar gyfer dydd Sadwrn.

Bydd y rhybudd yn dod i rym am 00:00 fore Sadwrn ac mae'n para hyd at 09:00.

Mae'r rhybudd yn effeithio ar 14 sir yng Nghymru.

Mae disgwyl cyfnodau trwm o law trwy gydol bore Sadwrn, gyda rhai ardaloedd yn gweld 20-30mm o law o fewn chwech i naw awr.

Gyda'r tir eisoes yn wlyb, fe all y glaw trwm achosi llifogydd mewn mannau gan achosi difrod i rai cartrefi a busnesau.

Mae'r Swyddfa Dywydd hefyd yn rhybuddio y gallai'r glaw effeithio ar amodau gyrru ac achosi oedi i drafnidiaeth gyhoeddus.

Mae'r rhybudd yn effeithio ar y siroedd canlynol:

  • Abertawe 
  • Blaenau Gwent 
  • Caerdydd
  • Caerffili
  • Casnewydd 
  • Castell-Nedd Port Talbot
  • Ceredigion
  • Merthyr Tudful 
  • Pen-y-bont ar Ogwr
  • Powys 
  • Rhondda Cynon Taf
  • Sir Fynwy 
  • Sir Gaerfyrddin 
  • Torfaen

This website uses cookies to ensure you get the best experience on our website.