Newyddion S4C

Mark Drakeford NYE

Gobaith Mark Drakeford am 'heddwch' ar ddechrau 2023

NS4C 01/01/2023

Mae'r Prif Weinidog, Mark Drakeford, wedi dweud ei fod yn gobeithio am heddwch yn 2023.

Yn ei anerchiad blwyddyn newydd, fe gyfeiriodd at y cymorth sydd wedi ei ddangos gan bobl Cymru i bobl sydd wedi gorfod gadael eu cartrefi yn sgil rhyfel Rwsia ar Wcráin.

"Mae Blwyddyn Newydd yn ddechrau newydd ac rwy’n siŵr bod gan bawb eu gobeithion a’u dymuniadau am y flwyddyn nesaf," meddai.

"Dewch inni obeithio am heddwch yn 2023, ac amser hapusach i ddod."

Mae arweinydd y Ceidwadwyr Cymreig, Andrew RT Davies, wedi dweud y dylai'r Llywodraeth Lafur flaenoriaethu mynd i'r afael â GIG Cymru fel adduned Blwyddyn Newydd.

Ychwanegodd y bydd y Ceidwadwyr Cymreig yn parhau i ddal y llywodraeth i gyfrif yn 2023.

Dywedodd mai'r nod gyda phandemig Covid-19 "yn y gorffennol" yw "blaenoriaethu darparu ar gyfer pobl Cymru".

This website uses cookies to ensure you get the best experience on our website.